ბაღდათის მაღალმთიან ნაწილში, ზღვის დონიდან 2205 მეტრის სიმაღლეზე, მთის წვერზე მდებარეობს ბუნების ძეგლი „ქვასაყდარა“ - ვულკანური წარმოშობის ქვის სვეტები. სვეტების დასავლეთით აღმართულია მთა „დიდმაღალი“ (ზღვის დონიდან 2588 მ ). 

გადმოცემის თანახმად,  ამ გზით ქრისტეს 3 მოციქული, ანდრია პირველწოდებული, სიმონ კანანელი და მატათა შემოვიდნენ საქართველოში და აქ ქრისტეს ჯვარი აღმართეს. ასევე, იხილავთ ულამაზეს ალპურ მდელოებს საძოვრებით და შეძლებთ დააგემოვნოთ შეუდარებელი რძის პროდუქტები.

აქვეა ე.წ. „ბოთლის ყელი“, სადაც გაზაფხულზე ხდება მიმომფრენი ფრინველების გადაფრენა. მტაცებელი ფრინველების გამო, ის იდეალური ადგილია ფრინველებზე დაკვირვების მსურველებისთვის.