ინფრასტრუქტურის მინისტრი რევაზ სოხაძე, მოადგილებთან, საქვეუწყებო დაწესებულებების ხელმძღვანელებთან და ადგილობრივი ხელისუფლების წარმომადგენლებთან ერთად, იმერეთის რეგიონში რამდენიმე პროექტის მიმდინარეობას და არსებულ ინფრასტრუქტურულ საჭიროებებს გაეცნო.

საჩხერის მუნიციპალიტეტში, შენდება საჩხერე-რაჭის გზასთან დამაკავშირებელი 4 კმ-იანი საგზაო მონაკვეთი, გზაზე ეწყობა ზედა და ქვედა საყრდენი კედლები და წესრიგდება სანიაღვრე სისტემა.

მუნიციპალიტეტში, ასევე, მიმდინარეობს გომი-საჩხერე-ჭიათურა-ზესტაფონის საავტომობილო გზის 10.8 კმ-იანი მონაკვეთის რეაბილიტაცია. გზა ერთმანეთთან აკავშირებს 3 მუნიციპალიტეტსა და მიმდებარე სოფლებს. სარეაბილიტაციო მონაკვეთზე, სრულად განახლდება გზის სავალი ნაწილი, მოეწყობა ახალი წყალარინების სისტემა, ადგილობრივ გზებთან მიერთებები და მოსახლეობის ეზოებში შესასვლელები.