აკაკი წერეთლის სახელმწიფო უნივერსიტეტის რექტორმა შალვა კირთაძემ, ადმინისტრაციის წარმომადგენლებთან და აკადემიურ პერსონალთან ერთად მოკრივე საბა ერემეიშვილს პროფესიონალურ რინგზე გამარჯვება მიულოცა. საბა ისტორიის სპეციალობის სტუდენტია და მისი მიზანი ოლიმპიური ჩემპიონობაა. 

“ემოციურად იყო ცოტა რთული ბრძოლა, რადგან საყვარელი ქალაქის, ხალხის წინაშე  წარვდექი და წაგების გაფიქრების უფლებაც არ მქონდა. ბედნიერი ვარ ესე რომ გავიმარჯვე. ახლა მიზნად მაქვს მომავალში შედეგი გავაუმჯობესო და რინგზე ნაკლები შეცდომა დავუშვა,”-აღნიშნა საბამ.