ზესტაფონის ფეროშენადნობთა ქარხანა ოთხთვიანი დროებითი მართვის რეჟიმის შემდეგ სრული დატვირთვით ამუშავდა. მიუხედავად იმისა, რომ მსოფლიო ბაზარზე ფასები შემცირებულია და გაყიდვებს ჯერ კიდევ წარმოების ტემპი ასწრებს, ქარხანა მზად არის საერთაშორისო ბაზრის სტაბილიზაციისთანავე, მაქსიმალურად გამოიყენოს ახალი შესაძლებლობები.

საწარმო ყოველთვიურად იღებს მაღალი ხარისხის იმპორტულ მადანს, რაც დაბალი თვითღირებულების გამო, წარმოების უწყვეტობასა და მდგრადობას უზრუნველყოფს.

დროებითი მართვის პერიოდში განხორციელებული კაპიტალური სარემონტო სამუშაოები კი ქარხანას საშუალებას აძლევს, კიდევ უფრო სტაბილურად და ეფექტიანად იმუშაოს.