"ქართული ოცნების" ზესტაფონის დელეგატობის კანდიდატი ზვიად შალამბერიძე სოფელ
ქვედა საქარაში არსებულ თხილის გადამამუშავებელ საწარმოს ესტუმრა.
"ქვედა საქარაში თხილის გადამამუშავებელი საწარმო მოვინახულე, რომელიც 8 წელზე მეტია ფუნქციონირებს და 30 ადგილობრივი მცხოვრები ჰყავს დასაქმებული. აღნიშნულ ქარხანაში წარმოებული პროდუქტი ევროპაში იგზავნება.
ჩვენი გუნდის მთავარი მიზანიც სწორედ ესაა - ბიზნესის ხელშეწყობა. გამართული ბიზნესი ხომ ძლიერ ეკონომიკას და მეტ დასაქმებულ ადამიანს ნიშნავს,"-ამბობს ზვიად შალამბერიძე.
