ბორჯომ-ხარაგაულის ეროვნულ პარკში ხანძარი ლიკვიდირებულია
ბორჯომ-ხარაგაულის ეროვნული პარკის ნეძვის აღკვეთილის ტერიტორიაზე ხანძარი ლიკვიდირებულია-ინფორმაციას ამის შესახებ დაცული ტერიტორიების სააგენტო ავრცელებს.
"3 სექტემბერს, ნეძვის აღკვეთილის ტერიტორიაზე ხანძარი გაჩნდა. ხანძრის ჩასაქრობად საგანგებო სიტუაციების მართვის სამსახურის მეხანძრე-მაშველთა ჯგუფებთან ერთად მობილიზდა ბორჯომ-ხარაგაულის ეროვნული პარკის რეინჯერები, რომლებიც მთელი ღამის განმავლობაში უწყვეტ რეჟიმში მუშაობდნენ.
4 სექტემბრის დილიდან ჩაქრობის სამუშაოებში ოთხი ვერტმფრენი ჩაერთო.
ამ დროისთვის, ცოცხალი ძალის აქტიური მუშაობის შედეგად, ხანძარი სრულად ლიკვიდირებულია. მიმდინარეობს ხანძრის გამომწვევი მიზეზის მოკვლევა,"-აცხადებენ სააგენტოში.
