შაორის ბანაკმა ახალგაზრდების მეოთხე ნაკადს უმასპინძლა.
ბანაკის ფარგლებში ახალგაზრდები ჩაერთნენ საკვანძო კომპეტენციების განვითარებისთვის მიმართულ საგანმანათლებლო, სპორტულ, შემეცნებით აქტივობებსა და შეხვედრებში.
თავდაცვის სამინისტროსთან (თემა: ქართული ჯარისა და თავდაცვის ძალების საქმიანობა), ცენტრალურ საარჩევნო კომისიასთან (თემა: საარჩევნო სიახლეები და ელექტრონული ტექნოლოგიები) და საქართველოს საპატრიარქოსთან (თემა: ნარკოპოლიტიკა: გამოწვევები და საფრთხეები) თანამშრომლობით, ბანაკის მონაწილეებისთვის ჩატარდა ტრენინგები სხვადასხვა თემაზე.
ინფორმაციისთვის: 2024 წელს შაორის ბანაკი რვა ნაკადად 800-მდე ახალგაზრდას უმასპინძლებს. მონაწილეთა შერჩევა ღია კონკურსის გზით ხორციელდება და ბანაკში მონაწილეობას რეგიონში მცხოვრები ახალგაზრდები შეძლებენ.
