ქუთაისის მერიამ ქუთაისის საჯარო სკოლების მე-8, მე-9, მე-10 კლასის წარმატებული მოსწავლეებისთვის საზაფხულო ბანაკი მოაწყო.
ბანაკის მონაწილეთა პირველი ნაკადი ბაკურიანში დღეს გაემგზავრა. მოსწავლეები ქუთაისის ვიცე-მერმა დავით ერემეიშვილმა და საკრებულოს განათლების, კულტურის, სპორტის და ახალგაზრდობის კომისიის თავმჯდომარემ ბექა ქებულაძემ გააცილეს.
ბანაკის სასწავლო თემატიკაა: დამოუკიდებლად სწავლის უნარების გაძლიერება, დროის მენეჯმენტი, გუნდური მუშაობა, კარიერის დაგეგმვა, მოხალისეობა, ადვოკატირება, კონკურსების საპროექტო განაცხადის შედგენისა და დონორების მოძიების პრაქტიკული ჩვევების შეძენა.
შერჩეული მოსწავლეები სამ ნაკადად არიან გადანაწილებული. ბანაკი ჯამში 120 მოსწავლეზეა გათვლილი.
