ხონის სოფელ გორდში მწერლისა და პოეტის, ნია გორდელის 65 წლის იუბილე აღნიშნეს
ხონის სოფელ გორდში მწერლისა და პოეტის, ნია გორდელის 65 წლის იუბილე აღინიშნა და შემოქმედებითი საღამო გაიმართა.
ღონისძიების სტუმრები მწერლები, პოეტები, საქართველოს მწერალთა კავშირის წარმომადგენლები, ჟურნალისტები, პედაგოგები და შემოქმედის გულშემატკივრები იყვნენ.
მწერალს იუბილე ხონის მუნიციპალიტეტის მერმა ლადო ჯურხაძემ და მოადგილემ მანანა გოფოძემ მიულოცეს.
მხატვრულ-მუსიკალური საღამო მსახიობ გულიადა სანოძეს მიჰყავდა. ღონისძიებაში კულტურის ცენტრის მხატვრული კითხვის წრის აღსაზრდელები და ვაჟთა ვოკალური ანსამბლი "იმერი" მონაწილეობდნენ.
