პაატა ზაქარეიშვილი: ყველაფერს გავაკეთებ, რომ ქუთაისს ვემსახურო. მთავარია თქვენ მომცეთ ამის საშუალება
პარტია “გახარია საქართველოსთვის” ქუთაისის მერობის კანდიდატი პაატა ზაქარეიშვილი ქალაქ-მუზეუმის ოლქის მაჟორიტარობის კანდიდატ ედიშერ მიქაბერიძესთან და გუნდის წევრებთან ერთად, ქუთაისის ცენტრალურ ბაზარში დასაქმებულ ადამიანებს შეხვდა.
“დღეს ჩვენ უნდა ვისაუბროთ თქვენს პრობლემებზე, ქუთაისის პრობლემებზე, ამ არჩევნებზე თქვენთვის მნიშვნელოვან საკითხებს მინდა გავეცნო, როგორც ქუთაისის მერობის კანდიდატი.
ყველაფერს გავაკეთებ, რომ ქუთაისს ვემსახურო. მთავარია თქვენ მომცეთ ამის საშუალება და მხარი დამიჭიროთ, როგორც პროფესიონალს, რომელიც მთელი ცხოვრება ადამიანის უფლებებს იცავს,”-ამბობს პაატა ზაქარეიშვილი.
