დიდთოვლობა ონში.
მუნიციპალიტეტის მერიის ინფორმაციით, ონის მასშტაბით, ადმინისტრაციულ ერთეულში და უზუნთა-შქმერი-ზუდალის საავტომობილო გზაზე, ძლიერი თოვისა და რთული მეტეოროლოგიური პირობების გამო, მძიმე ტექნიკის დახმარებით აქტიურ რეჟიმში მიმდინარეობს გზების გაწმენდითი სამუშაოები. ასევე, იყრება ქვიშა-მარილის ნარევი და ტარდება ყველა აუცილებელი ღონისძიება ავტოტრანსპორტის განვლადობის შენარჩუნებისათვის.
"მოსახლეობას გთხოვთ, იმოძრაოთ ზამთრის პერიოდისათვის შესაბამისი საბურავებით, გამართული ავტოტრანსპორტით და გამოიჩინოთ მაქსიმალური სიფრთხილე გადაადგილებისას,"-აცხადებენ ონის მერიაში.
