ქუთაისის სასამართლო ორი დღის წინ დაკავებული 5 პირისთვის აღკვეთის ღონისძიების შეფარდების საკითხს განიხილავს
ქუთაისის სასამართლომ ორი დღის წინ დაკავებული 5 პირისთვის აღკვეთის ღონისძიების შეფარდების საკითხი დღეს უნდა გადაწყვიტოს.
პროკურატურა მათ "ქურდული სამყაროს“ წევრობას, გამოძალვასა და გამოძალვაში დახმარებას, ერთ-ერთ მათგანს კი "ქურდული სამყაროს“ წევრისთვის მიმართვას ედავება. ბრალდების მხარე პატიმრობას ითხოვს.
გამოძიების ინფორმაციით, 2500 დოლარის გამო, მცირეწლოვანი შვილის თვალწინ, ერთ-ერთი მოქალაქის მიმართ ფიზიკური ანგარიშსწორება იგეგმებოდა. დაკავებულთა ნაწილი დუმილის უფლებით სარგებლობს, თუმცა მათი ადვოკატები პროკურატურასთან თანამშრომლობისთვის მზადყოფნას გამოთქვამენ.
