საერთაშორისო მნიშვნელობის თბილისი- სენაკი - ლესელიძის საავტომობილო გზის კმ 195 - 196 მონაკვეთზე 11:00 საათიდან - 18:00 საათამდე ყველა სახის ავტოტრანსპორტის მოძრაობა იკრძალება.
როგორც ზესტაფონის მერიაში განმარტავენ, საერთაშორისო მნიშვნელობის თბილისი - სენაკი - ლესელიძის საავტომობილო გზის კმ 195 - 196 (ქ. ზესტაფონის მონაკვეთზე) მიმდინარე წლის 7 ივლისამდე დაგეგმილია პირველი და მეორე მთავარი სარკინიზო ლიანდაგების კვეთაზე არსებული გადასასვლელების კაპიტალური შეკეთება, რის გამოც აკრძალულია ყველა სახის ავტოტრანსპორტის მოძრაობა, ხოლო დღე - ღამის დანარჩენ პერიოდში ავტოტრანსპორტის მოძრაობა თავისუფალია.
"დროის აღნიშნულ მონაკვეთში, მსუბუქი ავტომობილები იმოძრავებს ქალაქის გავლით, ხოლო მისაბმელიანი და ნახევრადმისაბმელიანი ტრანსპორტის მოძრაობა აკრძალულია.
გთხოვთ გაგებით მოეკიდოთ აღნიშნულ შეზღუდვას! ბოდიშს გიხდით შეფერხებისთვის,"-აცხადებენ ზესტაფონის მერიაში.
