ქუთაისის ოპერის თეატრი სამძიმრის წერილს აქვეყნებს.
"ოპერის თეატრი ღრმა მწუხარებას გამოთქვამს ლალი ჯავახაძის გარდაცვალების გამო.
ლალი ჯავახაძე ქუთაისის საოპერო თეატრის პირველი კონცერტმაისტერი იყო. მომთხოვნი და პრინციპული პროფესიონალი. ის თეატრში 40 წელი უღალატოდ ემსახურა თავის საყვარელ საქმეს.
ქუთაისის ოპერის თეატრი პატივს მიაგებს ქალბატონი ლალის ღვაწლს თეატრის შემოქმედებით ცხოვრებაში და უსამძიმრებს მის ოჯახს, ახლობლებს, კოლეგებს და მეგობრებს,"-ნათქვამია განცხადებაში.
