ქუთაისის საერთაშორისო უნივერსიტეტს (KIU) საქართველოში სომხეთის რესპუბლიკის საგანგებო და სრულუფლებიანი ელჩი, აშოტ სმბატიანი ეწვია.

ვიზიტისას სამუშაო შეხვედრა გაიმართა ქუთაისის საერთაშორისო უნივერსიტეტის აღმასრულებელ დირექტორთან/რექტორთან ვახტანგ ცაგარელთან. შეხვედრის მთავარ მიზანს ორ ქვეყანას შორის საგანმანათლებლო და სამეცნიერო სფეროში მჭიდრო კავშირების დამყარება და KIU-ს საერთაშორისო ურთიერთობების სტრატეგიის ფარგლებში რეგიონული პარტნიორობის გაღრმავება წარმოადგენდა.

ღონისძიებას KIU-ს კანცლერი ლევან კოპალიანი, საერთაშორისო ურთიერთობების სამსახურის ხელმძღვანელი მარიამ ნანეიშვილი და სომხეთის საელჩოს პირველი მდივანი არენ არაქელიანი ესწრებოდნენ. 

ვახტანგ ცაგარელმა ელჩს დეტალურად გააცნო KIU-ს მიმდინარე საერთაშორისო საგანმანათლებლო პროგრამები, კვლევითი პრიორიტეტები და ის უნიკალური შესაძლებლობები, რომლებსაც უნივერსიტეტი როგორც ადგილობრივ, ისე უცხოელ სტუდენტებს სთავაზობს.

ვიზიტის ფარგლებში, საელჩოს დელეგაციამ ულტრათანამედროვე, ევროპული სტანდარტის საუნივერსიტეტო კამპუსი დაათვალიერა.