წყალტუბოს მუნიციპალიტეტის სოფელ გეგუთში, თამარის ციხეზე, ტრადიციული სახალხო დღესასწაული „თამარობა“ კულტურული და სპორტული ღონისძიებებით აღინიშნა. 

დღესასწაულის  ფარგლებში, თამარ მეფის ციხის ნანგრევებთან წმინდა თამარ მეფის ხსოვნისადმი მიძღვნილი პარაკლისი აღევლინა. მოეწყო მსვლელობა გეგუთის საჯარო სკოლიდან თამარ მეფის ციხის მიმართულებით. ასევე, გეგუთის საჯარო სკოლის მოსწავლეებმა და გეგუთის კულტურის სახლთან არსებულმა შემოქმედებითმა კოლექტივმა წარმოადგინეს თეატრალიზებული წარმოდგენა "თამარი“.