ქუთაისში, რუას ქუჩის I ჩიხში საყრდენი კედლის მოწყობის სამუშაოები მიმდინარეობს. სამუშაო პროცესს ქუთაისის მერი დავით ერემეიშვილი, სახელმწიფო რწმუნებული იმერეთში ლევან ზალკალიანი და ქუთაისის საკრებულოს თავმჯდომარე გიორგი ჭიღვარია გაეცნენ.

რუას ქუჩის აღნიშნულ მონაკვეთზე გასწორდა რელიეფი, ჩატარდა  ბურღვითი სამუშაოები,  განთავსდა ხიმინჯების ნაწილი, რომლებზეც  მოეწყო ბეტონის დამცავი კედელი.   

პროექტის განსახორციელებლად სტიქიის ფონდიდან 1 365 211 ლარი გამოიყო.