ზესტაფონის მერის მოვალეობას დროებით საკრებულოს თავმჯდომარე ვასილ ღამბაშიძე შეასრულებს.   ღამბაშიძე მერის მოვალეობის შესრულებას მას შემდეგ შეუდგა, რაც მუნიციპალიტეტი ხელმძღვანელი პირების გარეშე დარჩა.

კერძოდ, top-news.ge-ს ცნობით, მერის მოადგილე მალხაზ შერგელაშვილი თურქეთის კლინიკაში მკურნალობს. მას ანევრიზმა აღენიშნებოდა, რის გამოც ქირურგიული ჩარევა დაჭირდა და ამ ეტაპზე რეაბილიტაციის კურსს გადის.

რაც შეეხება თავად მერს, ვასილ გველესიანმა ფეხი მოიტეხა. მას უკვე ჩაუტარდა ქირურგიული ჩარევა.