4 წლის ლუსის, რომლის დედა 3 აგვისტოს, შოვში მომხდარ სტიქიას ემსხვერპლა, მოქალაქეებმა ბინა უყიდეს. 

"საქართველოს მოქალაქეებმა ერთად,    104 000 ლარზე მეტი შევაგროვეთ და დღეს, 4 წლის ლუსის ბინა შევუძინეთ. 

"რაჭის ახალგაზრდული ასამბლეისა’’ და ,,რაჭა-ლეჩხუმ ქვემო სვანეთის თვითმმართველობის რესურს ცენტრი’’-ს გუნდი მადლობას გიხდით საზოგადოების თითოეულ წევრს უპრეცედენტო სოლიდარობისა და ნდობისთვის. 

მადლობა მედიასაშუალებებს, რომლებიც დაგვეხმარნენ, რომ სათქმელი თითოეულ თქვენგანამდე მოგვეტანა.

ასევე, მადლობას ვუხდით რაჭის ახალგაზრდული ასამბლეის წევრებს, ახალგაზრდებს, რომლებმაც რაჭისთვის ამ მძიმე დღეებში, მასშტაბური კამპანია მართეს და დაწყებული საქმე ბოლომდე მიიყვანეს. განსაკუთრებული მადლობა ემიგრანტებს. 

კიდევ ერთხელ ვუსამძიმრებთ ქვეყანას შოვის ტრაგედიას, ჩვენ კი გავაგრძელებთ მუშაობას რაჭისა და რაჭველი ახალგაზრდების უკეთესი მომავლისთვის,"-ნათქვამია "რაჭის ახალგაზრდული ასამბლეის" განცხადებაში.