ვანში პროფესიული სასწავლებელი აშენდება
ვანის N1 საჯარო სკოლის ტერიტორიაზე პროფესიული სასწავლებელი აშენდება. მშენებლობას სრულად აზიის განვითარების ბანკი დააფინანსებს.
"ვულოცავ, ვანს და ვანელებს პროფესიული სასწავლებლის დაბრუნებას ვანის მუნიციპალიტეტში და წარმატებებს ვუსურვებ ყველა მსმენელს, 21-ე საუკუნის პროფესიების დაუფლებაში.
გულწრფელად მინდა გითხრათ, რომ ასეთ მასშტაბურ პროექტში მონაწილეობის მიღება და წარმატება იოლი საქმე ნამდვილად არ იყო. ეს რამდენიმე წლის უდიდესი მონდომების და შრომის შედეგია, რომელიც ერთად განვახორციელეთ და დავაგვირგვინეთ,"-ამბობს ვანის N1 საჯარო სკოლის დირექტორი ვალერი კანკაძე.
