სტიქია ხარაგაულის სოფელ ნადაბურში.

უხვი ნალექის შედეგად, სოფელ ნადაბურში გზის ფერდობიდან ჩამოწოლილმა თოვლის დიდმა მასამ სოფლის ცენტრალური გზა ჩაკეტა.

“პრობლემის დროულად მოსაგვარებლად საჭირო გახდა სპეციალური ტექნიკის მობილიზება. სტიქიის შედეგების აღმოსაფხვრელად  პროცესებს უშუალოდ მართავს ხარაგაულის მერი, კობა ლურსმანაშვილი.

ამ დროისთვის გზის გაწმენდითი სამუშაოები ინტენსიურ რეჟიმში მიმდინარეობს და გაგრძელდება მანამ, სანამ სოფლის ცენტრალურ გზაზე გადაადგილება სრულად არ აღდგება,”-აცხადებენ ხარაგაულის მერიაში.