6 ოქტომბერი ქართული სპორტის და ოლიმპიზმის დღეა. თერჯოლის მუნიციპალიტეტის სოფელ ძევრში, საგვარჯილეს ტურისტული ცენტრის სივრცეში, საქართველოში სპორტისა და ოლიმპიზმის 35-ე საიუბილეო დღისადმი მიძღვნილი ღონისძიებები გაიმართა.
მოეწყო ოლიმპიური გარბენი, ძველი წელთაღრიცხვის პალეოლითური და ნეოლითური ხანის სპორტული სახეობების იმიტირებული წარმოდგენა, სპორტული აქტივობები ჭადრაკში, მინი-ფეხბურთში, ხელბურთში ქუთაისისა და თერჯოლის საჯარო სკოლების მონაწილეობით პერფომანსი „ოლიმპიური სპორტი საქართველოში“, ქართველი ოლიმპიური ჩემპიონების ფოტო - გამოფენა, ოლიმპიური სპორტის ნუმიზმატური გამოფენა, მხატვრების -თემურ ნიკოლაძის და მარიამ ბარდაველიძის ნამუშევრების გამოფენა და კონცერტი ადგილობრივი ანსამბლების მონაწილეობით.
დღევანდელი ღონისძების ორგანიზატორები იყვენენ: თერჯოლის მუნიციპალიტეტის მერია და სეოკ-ის იმერეთი (ქუთაისის) რეგ-ლი ორგანიზაცია.
თერჯოლის მუნიციპალიტეტის სოფელ ძევრში, საქართველოში სპორტისა და ოლიმპიზმის 35-ე საიუბილეო დღისადმი მიძღვნილი აქტივობების მხარდამჭერები იყვენენ: იმერეთში სახელმწიფო რწმუნებულის ადმინისტრაცია და საქართველოს ეროვნული ოლიმპიური კომიტეტი.
