22 აპრილიდან ლენტეხში მუნიციპალური ტრანსპორტი იმოძრავებს.

ლენტეხის მერიის ინფორმაციით, საზოგადოებრივი ტრანსპორტი (ავტობუსები) ფუნქციონირებას შემდეგი მიმართულებით დაიწყებს:

ორშაბათს და  პარასკევს: ლაშხეთი-ჩოლური- ლენტეხი.  დილის 08:00 საათიდან ავტობუსი გამოვა სოფელ მელედან ლენტეხის მიმართულებით და საღამოს  გავა 18:00 საათზე ლენტეხი- მელეს მიმართულებით.

ორშაბათს და ხუთშაბათს: ხელედი-ლენტეხი. დილის  08:30 საათიდან ხელედიდან ლენტეხის მიმართულებით, ხოლო საღამოს   18:00 საათიდან ლენტეხი- ხელედის მიმართულებით.

სამშაბათს და პარასკევს: ცაგერი-ლენტეხი. დილის 08:00 საათიდან ავტობუსი მოემსახურება მოქალაქეებს ცაგერიდან ლენტეხის მიმართულებით და საღამოს 18:00 საათიდან ლენტეხი ცაგერის მიმართულებით.

მათივე ცნობით, 22 აპრილიდან 13 მაისამდე ლენტეხის მერიის გადაწყვეტილებით, საზოგადოებრივი ტრანსპორტით გადაადგილება უფასო იქნება.