ქუთაისში რეზო გაბრიაძის წყარო გაიხსნება
7 იანვარს, 12:00 საათზე, ქუთაისში, წმინდა გიორგის სახელობის ეკლესიის ეზოში, რეზო გაბრიაძის წყარო გაიხსნება.
ქალაქის მერიის ინფორმაციით, წყაროს მოსაპირკეთებელი ქვის ფილები მწერალმა თავად შექმნა - ქუთაისისა და თბილისისათვის.
"წყაროს განთავსების ადგილი შეირჩა რეზო გაბრიაძის ნაწარმოებებში აღწერილი ქუთაისის ძველი უბნების მიხედვით. წმინდა გიორგის სახელობის ტაძრიდანვე დაიწყება ტრადიციული საშობაო მსვლელობა და გაგრძელდება ქალაქის ქუჩებში,"-აცხადებენ ქალაქის მერიაში.
