ხონის მთავარი საახალწლო ღონისძიებისთვის სამზადისი დაიწყო.
ცენტრალურ მოედანზე უკვე დამონტაჟდა სცენა.
"მთელი დღის განმავლობაში ადგილზე მოსულ სტუმრებს შესაძლებლობა ექნებათ ულამაზესი საახალწლო ინსტალაციები, საშობაო ბაზრობა, ადგილობრივი ნაწარმის და ხელნაკეთი ნივთების გამოფენა-გაყიდვა დაათვალიერონ.
აქ დაგხვდებათ საბავშვო სივრცეები, წარმოდგენები, მოეწყობა საკარნავლო მსვლელობა. თქვენი პატარების განწყობაზე ანიმატორები იზრუნებენ, თოვლის ბაბუამ კი მათ საჩუქრებს დაურიგებს. დღის ბოლოს გალა კონცერტი გაიმართება.
საზეიმო ვითარებაში აინთება ხონის ნაძვის ხე და ღონისძიება გრანდიოზული ფოიერვერკით დასრულდება,"-აცხადებენ ხონის მერიაში.
