ონის მუნიციპალიტეტში ციფრული უთანასწორობის შემცირების მიზნით, საყოველთაო ინტერნეტიზაციის სახელმწიფო პროგრამა მიმდინარეობს.

პროექტის განხორციელებით  თითოეულ ოჯახს ექნება შესაძლებლობა მიიღოს 100 მბ/წმ, ხოლო დაწესებულებებს- 1გბ/წმ სიჩქარის ინტერნეტი.

ოპტიკური ინფრასტრუქტურის მშენებლობა ამ დროისთვის აქტიურ რეჟიმში მიმდინარეობს შემდეგ ლოკაციებზე:

ქალაქი ონი;
უწერა;
ღები;
ღარი;
გლოლა;
ნაკიეთი;
ჭიორა.

"ქსელის მშენებლობას „ოუფენ ნეტი“ ანხორციელებს, კომუნიკაციების კომისიის მხარდაჭერითა და საქართველოს ეკონომიკისა და მდგრადი განვითარების სამინისტროს ზედამხედველობით.

მნიშვნელოვანია, რომ სახელმწიფო პროგრამა ხელს უწყობს კერძო სატელეკომუნიკაციო ოპერატორებს, განავითარონ საკუთარი ბიზნესი, - ოპტიკურ-ბოჭკოვანი ინფრასტრუქტურის მშენებლობის დასრულების შემდეგ, „ოუფენ ნეტი“ არ აწვდის მოსახლეობას ინტერნეტ-მომსახურებას, არამედ, ნებისმიერ  ავტორიზებულ ტელეკომ-ოპერატორს აძლევს შესაძლებლობას, ისარგებლოს მაგისტრალზე ღია დაშვების მომსახურებით და მივიდეს საბოლოო მომხმარებლამდე,"-აცხადებენ ონის მერიაში.