ონში ღვაწლმოსილ ქალბატონებს 8 მარტი სიმბოლური საჩუქრებით მიულოცეს
რაჭის რეგიონში სახელმწიფო რწმუნებულმა პაპუნა მარგველიძემ ონის მუნიციპალიტეტის მერთან, დავით ლობჟანიძესთან ერთად, სხვადასხვა სფეროში ღვაწლმოსილ ქალბატონებს 8 მარტი მიულოცა.
ქალთა საერთაშორისო დღე სიმბოლური საჩუქრებით მიულოცეს:
იზა ცხვედიანს - დამსახურებულ პედაგოგს,
ნუნუ ლობჯანიძეს - დამსახურებულ ექთანს,
ნაილი ალიხანაშვილს - სკოლამდელი განათლების დამსახურებულ აღმზრდელს.
ხელისუფლების წარმომადგენლებმა მადლობა გადაუხადეს ქალბატონებს იმ დაუღალავი და ერთგული შრომისთვის, რაც თავიანთი მოღვაწეობის პერიოდში გაწიეს. თითოეულ მათგანს ოჯახებთან ერთად დღეგრძელობა და ჯანმრთელობა უსურვეს.
