“იმერეთში უკვე დასრულებულია 12 საბავშვო ბაღის მშენებლობა და რეაბილიტაცია, 13 ობიექტზე სამუშაოები აქტიურ ფაზაშია”
სამტრედიაში 450 აღსაზრდელზე გათვლილი საბავშვო ბაღი შენდება.
ინფრასტრუქტურის სამინისტროს ინფორმაციით, ახალი საბავშვო ბაღი თანამედროვე სტანდარტების შესაბამისად აშენდება.
“პროექტი ითვალისწინებს ისეთი გარემოს შექმნას, რომელიც მაქსიმალურად მოერგება ბავშვების საჭიროებებს - მოეწყობა უსაფრთხო და მყუდრო სასწავლო სივრცეები, სათამაშო ზონები, და ყველა ის ინფრასტრუქტურა, რაც ჯანსაღი გარემოს უზრუნველსაყოფად არის აუცილებელი.
“საბავშვო ბაღების მშენებლობა-რეაბილიტაციის“ სახელმწიფო პროგრამით, იმერეთში უკვე დასრულებულია 12 საბავშვო ბაღის მშენებლობა და რეაბილიტაცია, ამ ეტაპზე კი 13 ობიექტზე სამუშაოები აქტიურ ფაზაშია,”-აცხადებენ უწყებაში.
