ფაშიზმზე გამარჯვების დღეს ვანის მუნიციპალიტეტის მერმა ალექსანდრე გოგორიშვილმა, მოადგილეებმა- გოჩა ჭუბაბრიამ და ვლადიმერ ხელაძემ მერიის თანამშრომლებთან და ვეტერანებთან ერთად გვირგვინებით შეამკეს სამამულო ომში გარდაცვლილთა მემორიალი და პატივი მიაგეს მეორე მსოფლიო ომის დროს დაღუპული მებრძოლების ხსოვნას.

ომში, რომლის დასრულებიდანაც 80 წელი გავიდა, 300 000 ქართველი დაიღუპა. 1945 წლის 8 მაისს გერმანიის მიერ კაპიტულაციის გამოცხადების შემდეგ, მეორე მსოფლიო ომი დასრულდა, 9 მაისი კი ფაშიზმზე გამარჯვების დღედ გამოცხადდა.