ახალი წლის საპროტესტო ღამე ქუთაისში-რა გეგმა აქვთ აქციის მონაწილეებს?
ახალი წლის საპროტესტო ღამე-ქუთაისში მიმდინარე საპროტესტო აქციების მონაწილეები ახალ წელს ქალაქის მერიის შენობასთან შეხვდებიან.
“სანამ რეჟიმს ჩვენი თანამოქალაქეები ტყვედ ჰყავს და არ ისმენს ქართველი ხალხის ხმას, პროტესტი უწყვეტად უნდა გაგრძელდეს.
ამიტომაც, გელოდებით 22:00 სთ-დან ქუთაისის საპროტესტო ადგილას.
ერთად შევხვდეთ ახალი წლის ჯადოსნურ საპროტესტო ღამეს.
მეწარმეებს, რომლებიც იზიარებენ პროტესტის შინაარს და მონაწილეობას არ იღებენ რეჟიმის მიერ ორგანიზებულ ცრუსაზეიმო ღონისძიებებში, გელოდებით თქვენი პროდუქციის გამოფენა-გაყიდვისთვის.
2025 წელს ჩვენს ქვეყანაში რეჟიმი უნდა დასრულდეს.
წელს ტრადიციულად ოჯახის წევრებთან, მეგობრებთან, ნათესავებთან ერთად შევხვდეთ ახალ წელს, ოღონდ ქუჩაში,”-ნათქვამია განცხადებაში.
