ბაღდათის სოფელში ხიდი ჩაინგრა
ბაღდათის მუნიციპალიტეტის სოფელ პირველ ობჩაში, მდინარე ლუხუტაზე მდებარე, მთის ძირამდე მისასვლელი ხიდის სავალი ნაწილი დაზიანდა და დაინგრა. შემთხვევა წუხელ, გვიან ღამით მოხდა.
"აღნიშნული ხიდით სოფელ პირველი ობჩის 100-მდე ოჯახი სარგებლობს. ამ ეტაპზე მიმდინარეობს დროებითი ხიდის მოწყობა. სოფელს ასევე აქვს შემოვლითი გზა და მოსახლეობას გადაადგილება შეუფერხებლად შეუძლია.
ბაღდათის მუნიციპალიტეტის მერიის ინფრასტრუქტურის სამსახურის წარმომადგენლებმა უკვე დაიწყეს ხიდის მშენებლობის დოკუმენტაციაზე მუშაობა. ახალი ხიდის პროექტი გამზადებულია. მალე სოფელ პირველ ობჩაში მთისძირამდე მისასვლელ გზაზე კაპიტალური ხიდი აშენდება,"-აცხადებენ ბაღდათის მერიაში.
