გლოვის დღე ბაღდათში. სტიქიის შედეგად დაღუპული ერთი ოჯახის ოთხი წევრი-მამა და სამი შვილი დღეს დაკრძალეს. დაღუპულები ბაღდათის საკათედრო ტაძრიდან გაამოასვენეს, სადაც დილიდან სამოქალაქო პანაშვიდი მიმდინარეობდა.
ბაღდათში, სოფელ ნერგეთში სტიქიურ უბედურებას 9 ადამიანი ემსხვერპლა, მათგან ორი გუშინ დაკრძალეს. 7 თებერვლის ღამეს, სოფელში მთიდან წამოსულმა მეწყერმა 4 საცხოვრებელი სახლი მიწაში ჩაიტანა.
რაც შეეხება ვითარებას, სტიქიის ეპიცენტრში გზა უკვე გაწმენდილია. აღდგენილია ელექტროენერგიისა და ბუნებრივი აირის მიწოდება. აღდგა ტრანსპორტის გადაადგილებაც კურორტ საირმისკენ მიმავალ გზაზე.
