ქუთაისში, სასტუმრო "თბილისში" მცხოვრებმა დევნილებმა გზის გადაკეტვა სცადეს. ისინი იმ შენობის დემონტაჟს აპროტესტებენ, სადაც წლებია ცხოვრობენ. 

მათი თქმით, სხვა საცხოვრებელი არ აქვთ, დღეს კი შენობის ახალი მფლობელი მათი იძულებით გაყვანას გეგმავს.

დევნილებს გზის გადაკეტვის უფლება სამართალდამცველებმა არ მისცეს და ისინი გზის სავალი ნაწილიდან გადაიყვანეს.

სასტუმრო "თბილისში" ამ დროისთვის 3 ოჯახი ცხოვრობს.