ვანის მუნიციპალიტეტში ინფრასტრუქტურული პროექტები გრძელდება. ვანის მუნიციპალიტეტის მერის მოადგილე გოჩა ჭუბაბრია ადგილზე გაეცნო დიხაშხოს ადმინისტრაციულ ერთეულში, მამასახლისების უბანში საავტომობილო გზაზე ბეტონის საფარის მოწყობის სამუშაოებს.
"გზის მოცემული მონაკვეთის რეაბილიტაცია მოსახლეობისთვის განსაკუთრებულად მნიშვნელოვანი იყო. არსებული გრუნტის გზა შეიცვალა ბეტონის საფრიანი ზედაპირით; ჩამონადენი წყლის მასის გასატარებლად მოწესრიგდა სანიაღვრე არხები. პროექტი განხორციელდა რეგიონალური განვითარების ფონდის დაფინანსებით და მისი ღირებულება ჯამში 28 118 ლარს შეადგენს,"-აცხადებენ ვანის მერიაში.
