საქართველოში დღეს გლოვის დღეა. ქვეყანა 3 აგვისტოს, კურორტ შოვში განვითარებული მეწყერის შედეგად გარდაცვლილებს გლოვობს. გლოვის ნიშნად, სახელმწიფო დაწესებულებების შენობებზე დროშები დაუშვეს.

კურორტის ტერიტორიაზე მეხუთე დღეა დაკარგულებს ეძებენ. ადგილზე მობილიზებულია მძიმე ტექნიკა. სტიქიის ზონაში იმყოფებიან მაშველები, ჯარისკაცები, მოხალისეები და კინოლოგები.

სტიქიის ადგილას დღეს, გარდაცვლილთა სულის მოსახსენებელი პანაშვიდი გაიმართება.