14 წლიანი არსებობის მანძილზე პირველად, საქართველოს აეროპორტების გაერთიანება 26,4 მილიონიანი ლარის წმინდა მოგებაზე გავიდა-ინფორმაციას ამის შესახებ ინფორმაციას საქართველოს აეროპორტების გაერთიანების დირექტორი ირაკლი ქარქაშაძე ავრცელებს.
"ჩემთვის, როგორც აეროპორტების გაერთიანების გენერალური დირექტორისთვის, ორმაგად სასიხარულოა, რომ ეს შედეგი ჩემი ხელმძღვანელად მოსვლის პირველსავე წელს დავდეთ.
2023 ქუთაისის აეროპორტისთვის ისტორიული წელი იყო, როდესაც მილიონ 700 ათასამდე მგზავრს ვუმასპინძლეთ.
ეს ნიშნავს, რომ სწორი გზით მივდივართ.
დიდი მადლობა გუნდს!
დაგეგმილი გვაქვს:
* ქუთაისის აეროპორტში ბაქანის და ხომალდების სადგომების სრული რეაბილიტაცია,
*მესტიის აეროპორტისთვის ახალი ტერმინალის მშენებლობა;
*თელავის აეროპორტის ახალი ტერმინალი;
ეს მხოლოდ მცირე ჩამონათვალია 2024-2025 გეგმების.
ჩვენ მხოლოდ ახლა ვიწყებთ,"-ამბობს ქარქაშაძე.
