ქუთაისში, "მონპლეზირის" თაღთან დაზიანებულ მხატვრობას ქალაქის მერია აღადგენს. ინფორმაციას ამის შესახებ მერია თავად ავრცელებს.
"პოპულარული და ყველასთვის საყვარელი კედლის მხატვრობა დააზიანეს! ქუთაისის ერთ-ერთი სავიზიტო ბარათის დაზიანება არ არის ქალაქისთვის მხოლოდ მატერიალური ზიანის მიყენება.
ვანდალური აქტის ჩამდენი აუცილებლად იქნება გამოვლენილი. გრაფიტს კი, რომელიც მსოფლიოს რამდენიმე ქალაქშია და მათ შორის ქუთაისშიც, მალე ისევ აღვადგენთ!,"-აცხადებენ ქუთაისის მერიაში.
ცნობისთვის, ფრანგი მხატვრის, ვინის ნამუშევარი, რომელიც ქუთაისის "მონ პლეზირის" თაღს (ასევე ქალაქის ფრანგულ უბანს) ამშვენებდა, შავი საღებავით დააზიანეს.
