ინფრასტრუქტურის სამინისტროს მუნიციპალური განვითარების ფონდი თერჯოლის მუნიციპალიტეტის სოფელ ბარდუბანში ახალი სკოლის პროექტირებას იწყებს. ბარდუბანში არანაკლებ 200 მოსწავლეზე გათვლილი სკოლა აშენდება.
სკოლაში თანამედროვე სტანდარტების შესაბამისად, უნდა მოეწყოს საკლასო ოთახები, სამასწავლებლოები, საბუნებისმეტყველო მეცნიერებების ლაბორატორიები, ასევე ინფორმაციული და საკომუნიკაციო ტექნოლოგიების სივრცეები.
გარდა ამისა, მოსწავლეებისთვის შენობებაში განთავსებული იქნება მულტიფუნქციური და სპორტული დარბაზები, სახვითი და გამოყენებითი ხელოვნების ოთახები, ეზოებში კი გათვალისწინებულია სათამაშო მოედნების მოწყობა.
ინფრასტრუქტურა სრულად იქნება ადაპტირებული განსაკუთრებული საჭიროების მქონე პირებისთვის, რაც უზრუნველყოფს მათთვის ხელმისაწვდომ და ინკლუზიურ საგანმანათლებლო გარემოს.