საქართველოს სარაგბო ჩემპიონატის-“დიდი 10"-ს XII ტურის შეხვედრაში ქუთაისის “აიამ" თბილისის “ლელოს" უმასპინძლა და მეტოქე 36:15 დაამარცხა.
“აია არენაზე" გაიმართულ შეხვედრაში ქუთაისელებმა მეტოქეს სამით მეტი ლელო დაუდეს (5:2) და ბონუს ქულაც აიღეს. მატჩის საუკეთესო მოთამაშე ,,აიას" ახალგაზრდა ფულბეკი საბა შარვაშიძე გახდა.
ამ გამარჯვების შემდეგ “აიამ" 43 ქულა დააგროვა და სატურნირო ცხრილში, თანაქალაქელ “არესთან" მე-2, მე-3 ადგილებს იყოფს.
“არესი", რომელიც მე-12 ტურამდე ჩემპიონატს ლიდერობდა, სტუმრად “არმიასთან" დამარცხდა (18:30) და პირველი ადგილი ,,ბათუმს" დაუთმო.
ჩემპიონატი 2026 წლის 13 თებერვალს განახლდება.