ქუთაისის საერთაშორისო აეროპორტი 14 წლისაა!
29 სექტემბერს ქუთაისის დავით აღმაშენებლის სახელობის საერთაშორისო აეროპორტში განსაკუთრებულ თარიღს აღვნიშნავთ. აეროპორტის 14 წლის იუბილესთან ერთად, Wizz Air-ის ქუთაისის ბაზის დაარსებიდან 10 წლისთავსაც ვზეიმობთ.
"საიუბილეო დღის ფარგლებში, მგზავრებს 29 სექტემბერს დახვდებათ მუსიკალური პროგრამა, DJ, სხვადასხვა გასართობი აქტივობა და სასიამოვნო სიურპრიზები.
საიუბილეო კვირეულის ფარგლებში, 28 სექტემბრიდან 4 ოქტომბრის ჩათვლით, ქუთაისის საერთაშორისო აეროპორტში მოქმედი კომპანიები და პარტნიორი ობიექტები მგზავრებს სპეციალურ შეთავაზებებსა და სხვადასხვა აქტივობას შესთავაზებენ.
გელოდებით ქუთაისის საერთაშორისო აეროპორტში, ერთად აღვნიშნოთ ეს განსაკუთრებული თარიღი,"-ნათქვამია გავრცელებულ განცხადებაში.