ქუთაისში, "მურალ ფესტის" პროექტის ფარგლებში, მუნიციპალიტეტის მერიის დაფინანსებით, კიდევ ოთხი დიდი ფასადი მოიხატა.
ნიკეას ქუჩის სამი მაღლივი კორპუსის კედლებზე შეიქმნა ნამუშევრები: "ლურჯა ცხენები" (მხატვარი დავით სამხარაძე), "გალაკტიონი" (მხატვარი ირაკლი ხადეიშვილი) და "ქართული ცეკვა" ( მხატვარი სალომე მერაბიშვილი). წერეთლის ქუჩის ერთ-ერთი საყრდენი კედელი კი, დაამშვენა მურალმა "არგონავტები" (მხატვარი თინა ჩერტოვა).
ოთხივე ნამუშევარი ქართული კულტურის, ისტორიისა და იდენტობის სხვადასხვა თემას ეხმიანება და ქუთაისის ურბანულ სივრცეს კიდევ ოთხ განსხვავებულ ისტორიას მატებს.