მოსახლეობის 62% (2 442 231 კაცი) საქალაქო ტიპის დასახლებებში, ხოლო 38% (1 487 350 კაცი) სასოფლო ტიპის დასახლებებში ცხოვრობს - ამის შესახებ აღნიშნულია სტატისტიკის ეროვნული სამსახურის 2024 წლის საყოველთაო აღწერის დაზუსტებულ მონაცემებში.
ამასთან, საქსტატის ცნობითვე, საქართველოში სულ 3 617 სოფელია, აქედან 3 417 დასახლებული, ხოლო 200 დაუსახლებელი.
სტატისტიკის ეროვნული სამსახურის მონაცემებით, მოსახლეობის რაოდენობის მიხედვით, ქვეყნის ყველაზე დიდი სოფელი საბურთალოს რაიონში მდებარე დიღომია, რომელსაც 22 136 მცხოვრები ჰყავს.
უფრო კონკრეტულად, 2024 წლის მდგომარეობით, მოსახლეთა რიცხოვნობის მოხედვით, საქართველოს 10 ყველაზე დიდი სოფელია:
- დიღომი (საბურთალოს რაიონი) - 22 136 კაცი;
- სადახლო (მარნეულის მუნიციპალიტეტი) - 10 032 კაცი;
- ყიზილ-აჯლო (მარნეულის მუნიციპალიტეტი) - 8 855 კაცი;
- წეროვანი (მცხეთის მუნიციპალიტეტი) - 7 662 კაცი;
- მარტყოფი (გარდაბნის მუნიციპალიტეტი) - 6 859 კაცი;
- სართიჭალა (გარდაბნია მუნიციპალიტეტი) - 6 621 კაცი;
- კარალეთი (გორის მუნიციპალიტეტი) - 6 028 კაცი;·
- მუხრანი (მცხეთის მუნიციპალიტეტი) - 5 924 კაცი;
- ქესალო (გარდაბნის მუნიციპალიტეტი) - 5 199 კაცი;
- ყარაჯალა (თელავის მუნიციპალიტეტი) - 5 063 კაცი.