ქუთაისის საკრებულოში “ქართული ოცნების” სიით შესულმა 4-მა წევრმა პირადი განცხადების საფუძველზე, უფლებამოსილება შეიწყვიტა.
აღნიშნული დეპუტატები არიან: გიორგი კიკვაძე; შალვა მშვილდაძე; დავით ნიშნიანიძე და დავით დვალი.
მათ ნაცვლად ქუთაისის საკრებულოში შემდეგი პირები შედიან:
თამთა ბაკურაძე; ლანა ჩიტიძე; იოსებ კუჭავა და აკაკი გიორგაძე.
ქუთაისის ახალი, მერვე მოწვევის საკრებულო 25 წევრიანი არის.
“ქართული ოცნების” გარდა, საკრებულოში “ლელო”, “გახარია საქართველოსთვის” და “გირჩი” თითო-თითო წარმომადგენლით შევიდნენ.