8 ივნისს, ლენტეხში, ზღვის დონიდან 2210 მეტრზე მდებარე სკალდის მთაზე სახალხო დღესასწაული “სკალდობა-2025” გაიმართება.
სკალდის მთაზე, მთავარანგელოზის სახელობის ეკლესიაში და სოფელ ფაყში მდებარე ღვთისმშობლის ეკლესიაში წირვას ჭყონდიდის, ცაგერისა და ლენტეხის მიტროპოლიტი სტეფანე აღავლენს.
წირვის დასრულების შემდეგ, სკალდის მთის მიმდებარე ტერიტორიაზე ჩატარდება სპორტული ღონისძიებები: დოღი, ჯილდაობა და სვანური ჭიდაობა “ლბრგიელი”.