ქუთაისის სპორტის სასახლეში საქართველოს სუპერლიგის ფინალური სერიის მეხუთე მატჩი გაიმართა.
“ქუთაისი 2010" ჩემპიონის ტიტულს არ თმობს და წელს ზედიზედ მეორედ, ხოლო ჯამში მეოთხედ - ჩემპიონი გახდა!
გადამწყვეტი ბრძოლა "თსუ"-ს წინააღმდეგ “ქუთაისი 2010-ის" დამაჯერებელი გამარჯვებით დასრულდა.
გუნდებს შორის სეზონის ყველაზე დაძაბული ბრძოლა შედგა, თუმცა ქუთაისმა კიდევ ერთხელ დაამტკიცა მისი სიძლიერე, ლიდერობა, გუნდურობა და თამაში საბოლოო ანგარიში 93-82, 11 ქულიანი სხვაობით დაასრულა!
შეგახსენებთ, საქართველოს საკალათბურთო სუპერლიგის ფინალი ქუთაისში დაიწყო სადაც 2 ჯერ "თსუ" დაწინაურდა, შემდეგ 2 მატჩში კი ქუთაისურმა კლუბმა ანგარიში შემოაბრუნა და დღეს შესანიშნავი შედეგიც დადო! სუპერლიგის ჩემპიონი ისევ ქუთაისია.