13 დეკემბერს ქუთაისში სადღესასწაულო მსვლელობა გაიმართება და ეპარქიის კურთხევა მოხდება.
“13 დეკემბერს აღესრულება ხსენება წმ. ანდრია პირველწოდებულისა, საქართველოში ქრისტეს პირველმქადაგებლისა, წმ. მეფე ვახტანგ გორგასლისა და წმ. პეტრე I კათოლიკოსისა.
მაღალყოვლადუსამღვდელოესი ქუთათელ-გაენათელი მიტროპოლიტი იოანე სადღესასწაულო ლიტურგიას შეასრულებს ქუთაისის ყოვლადწმიდა ღვთისმშობლის მიძინების-სიონის(ბაგრატი) საკათედრო ტაძარში, 9 საათზე.
წირვის დასრულების შემდეგ ბაგრატის ტაძრიდან დაიწყება სადღესასწაულო მსვლელობა - ლიტანიობა და იკურთხება ეპარქია,”-ნათქვამია ეპარქიის მიერ გავრცელებულ განცხადებაში.