ქუთაისში საერთაშორისო სასკოლო- თეატრალური ფესტივალი „N-ოვაცია 2025“ ჩატარდა. ფესტივალის დაჯილდოების ცერემონიას ქუთაისის მერის მოადგილე შალვა მშვილდაძე დაესწრო.
სასკოლო-თეატრალური ფესტივალი უკვე მეთექვსმეტედ ჩატარდა და მასში ქუთაისის და სხვა მუნიციპალიტეტების საჯარო სკოლები მონაწილეობდნენ. ფესტივალის გრან პრის მფლობელი ქუთაისის 31-ე საჯარო სკოლა გახდა.
ფესტივალი „N-ოვაცია 2025“ ქუთაისის მერიისა და საქართველოს განათლებისა და მეცნიერების სამინისტროს მხარდაჭერით გაიმართა.